Эрүүгийн байцаан шийтгэх хуулийн 350 дугаар зүйлийн 350.1.2 дахь заалтыг удирдлага болгон хяналтын шатны шүүх хуралдаанаас ТОГТООХ нь:

Дүүргийн Эрүүгийн хэргийн анхан шатны 1 дүгээр шүүхийн 2015 оны 2 дугаар сарын 11-ний өдрийн 224 дүгээр шийтгэх тогтоол, Эрүүгийн хэргийн давж заалдах шатны 10 дугаар шүүхийн 2015 оны 3 дугаар сарын 26-ны өдрийн 225 дугаар магадлалын тогтоох хэсэгт “Б.Тэмүүжинг Эрүүгийн хуулийн 551 дүгээр зүйлийн 551.1-д заасныг журамлан мөн хуулийн 96 дугаар зүйлийн 96.2.1-д зааснаар 4 /дөрөв/ жил 09 /ес/ сар хорих ял шийтгэж, Б.Тэрбишийг Эрүүгийн хуулийн 181 дүгээр зүйлийн 181.2.1, 181.2.5-д зааснаар 3 /гурав/ жил 01 /нэг/ сар хорих ял шийтгэж, Эрүүгийн хуулийн 52 дугаар зүйлийн 52.5-д зааснаар Б.Тэрбишид оногдуулсан ялыг жирийн дэглэмтэй эрэгтэйчүүдийн хорих ангид, Эрүүгийн хуулийн 52 дугаар зүйлийн 52.10-т заасныг журамлан 52.5-д зааснаар Б.Тэмүүжинд оногдуулсан хорих ялыг жирийн дэглэмтэй эрэгтэйчүүдийн хорих ангид тус тус эдлүүлж, Эрүүгийн хуулийн 61 дүгээр зүйлийн 61.1, 61.4-т заасныг журамлан Б.Тэрбишид оногдуулсан 3 жил 01 сар хорих ялыг тэнсэж, 1 /нэг/ жил 06 /зургаа/ сарын хугацаагаар хянан харгалзаж, түүнд хяналт тавихыг Говьсүмбэр аймгийн Цагдаагийн газарт даалгасугай” гэсэн өөрчлөлтүүдийг оруулж, шийтгэх тогтоол, магадлалын бусад заалтыг хэвээр үлдээсүгэй.

            ДАРГАЛАГЧ, ШҮҮГЧ                                     Д.ЭРДЭНЭБАЛСҮРЭН

            ШҮҮГЧ                                                             Б.БАТЦЭРЭН