Шийдвэрийн дэлгэрэнгүй

Шийдвэрийн төрөл Шийдвэр
Oгноо 2015-06-30
Дугаар 04227
Хэргийн индекс 102/2015/05557/И
Шүүх Дүүргийн Иргэний хэргийн анхан шатны 2 дугаар шүүх
Шүүгч Эрдэнэбатын Амин-Эрдэнэ
Нэхэмжлэгч Сонгинохайрхан дүүрэг дэх цагдаагийн 3 дугаар хэлтэс
Хариуцагч
Гуравдагч этгээд З.Алтантөрийг архины албадан эмчилгээнд явуулах тухай
Маргааны төрөл
Хүчинтэй эсэх Тийм
Шийдвэрийн товч

2015 оны 6 сарын 30 өдөр

Дугаар 102/ШШ2015/04227

 

Улаанбаатар хот

 

 

МОНГОЛ УЛСЫН НЭРИЙН ӨМНӨӨС

 

Дүүргийн Иргэний хэргийн анхан шатны 2 дугаар шүүхийн шүүгч Э.Амин-Эрдэнэ даргалж тус шүүхийн танхимд хийсэн иргэний шүүх хуралдаанаар

 

Нийслэлийн Сонгинохайрхан дүүрэг дэх Цагдаагийн 3 дугаар хэлтсийн нэхэмжлэлтэй,

 

Сонгинохайрхан дүүрэг, 18 дугаар хороо, 1 хороолол, Угсармал 3-18б тоотод оршин суух бүртгэлтэй, эрэгтэй, /ОГ77111013/ регистрийн дугаартай, Зогсоосүрэнгийн Алтантөрийг албадан эмчилгээнд явуулах тухай нэхэмжлэлтэй хэргийг хянан хэлэлцэв.

 

Шүүх хуралдаанд нэхэмжлэгчийн төлөөлөгч Б.Ууганбаяр, гуравдагч этгээд З.Алтантөр, шүүхийн нарийн бичгийн дарга Х.Хишигсүрэн нар оролцов.

 

ТОДОРХОЙЛОХ нь:

 

Нэхэмжлэгчийн нэхэмжлэлийн шаардлага болон тайлбарт:

... Сонгинхайрхан дүүргийн 18 дугаар хороо 3-р байрны 18б тоотод оршин суух Зогсоосүрэнгийн Алтантөр /РД:ОГ77111013/ нь удаа дараа архидан согтуурч иргэд, оршин суугчдын амгалан тайван байдлыг алдагдуулж, нийтийн хэв журмыг удаа дараа зөрчдөг тул Согтуурах, мансуурах донтой этгээдийг албадан эмчлэх, албадан хөдөлмөр хийлгэх тухай хуулийн 3, 4, 5 дугаар зүйлийг үндэслэн тухайн этгээдийг албадан эмчилгээнд явуулж өгнө үү гэв.

 

Гуравдагч этгээдийн тайлбарт:

...Зогсоосүрэн овогтой Алтантөр /ОГ77111013/ миний бие архины эмчилгээнд явмааргүй байна. Ах хөдөөнөөс ирээд намайг аваад явна гэсэн тул архины албадан эмчилгээнд явмааргүй байна гэв.

 

Шүүх хуралдаанаар нэхэмжлэгчийн тайлбар, хэрэгт авагдсан нотлох баримтуудыг хэлэлцээд

 

ҮНДЭСЛЭХ нь:

 

Сонгинохайрхан дүүргийн Цагдаагийн 3 дугаар хэлтсээс З.Алтантөрийг албадан эмчилгээнд явуулах тухай нэхэмжлэлийн шаардлага гаргасан байна.

 

Хэрэгт авагдсан нотлох баримтаар З.Алтантөр Сонгинохайрхан дүүргийн 15 дугаар хорооны нутаг дэвсгэр болох 19, 20 дугаар байрны орчим архидан согтуурч, нийтийн хэв журам зөрчих, уг зөрчлөө таслан зогсоох талаар цагдаагийн албан хаагчаас удаа дараа хууль ёсны шаардлага тавьсан боловч шаардлага үл биелүүлэн байнга бүлэг бөөгнөрөл үүсгэн согтуурдаг болох нь Цагдаагийн ахлах дэслэгч Б.Ууганбаярын илтгэх хуудас, Захиргааны зөрчил гаргаж эрүүлжүүлэгдэж байсан Түр саатуулах байрны эмч цагдаагийн ахлах дэслэгч Н.Алтанмөнхийн гаргасан тодорхойлолт, зөрчлийн ассап санд бүртгэгдсэн бүртгэлээр нотлогдож байна. Тэрээр Архидан согтуурч удаа дараа эрүүжүүлэгдэж байжээ.

 

Сонгинохайрхан дүүргийн Эрүүл мэндийн төв З.Алтантөрийг Архинд донтох өвчний 2 дугаар зэрэгтэй талаар дүгнэлт гаргаж оношилсон байна.

 

Иймд З.Алтантөрийг архины албадан эмчилгээнд явуулж эмчилгээ хийлгэх нь зүйтэй гэж үзэв.

 

Иргэний хэрэг шүүхэд хянан шийдвэрлэх тухай хуулийн 135-р зүйлийн 135.2.14, 115-р зүйлийн 115. 2.1, 116, 118-д заасныг удирдлага болгон

 

ТОГТООХ нь:

 

1. Согтуурах мансуурах донтой өвчтэй этгээдийг захиргааны журмаар албадан эмчлэх, албадан хөдөлмөр хийлгэх тухай хуулийн 4-р зүйлийн 4.1-д заасныг баримтлан ОГ77111013 регистрийн дугаартай Зогсоосүрэнгийн Алтантөрийг албадан эмчилгээнд явуулж эмчлүүлсүгэй.

 

2. Согтуурах мансуурах донтой өвчтэй этгээдийг захиргааны журмаар албадан эмчлэх, албадан хөдөлмөр хийлгэх тухай хуулийн 6-р зүйлийн 6.6-д зааснаар З.Алтартөрийг албадан эмчилгээнд хүргэх ажиллагааг Сонгинохайрхан дүүрэг дэх Цагдаагийн 3 дугаар хэлтсээр гүйцэтгүүлсүгэй.

 

3. Согтуурах мансуурах донтой өвчтэй этгээдийг захиргааны журмаар албадан эмчлэх, албадан хөдөлмөр хийлгэх тухай хуулийн 12 дугаар зүйлийн 12.1, 12.2 дахь хэсэгт зааснаар албадан эмчилгээний онцлог, үр дүнгээс шалтгаалан 3-6 сар хүртэл хугацаагаар эмчилгээг хийх бөгөөд энэ хугацаа нь тухайн этгээдийн эмчилгээний үр дүнг харгалзан мэргэжлийн эмч нарын комиссын дүгнэлтийг үндэслэн шүүхийн шийдвэрээр дуусгавар болохыг мэдэгдсүгэй.

 

4. Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч улсын тэмдэгтийн хураамжаас чөлөөлөгдөхийг дурьдсугай.

 

5. Шийдвэрийг зохигч эс зөвшөөрвөл шийдвэрийг гардан авсан өдрөөс хойш 14 хоногт Иргэний хэргийн давж заалдах шатны 10 дугаар шатны шүүхэд давж заалдах гомдол гаргаж болохыг тайлбарласугай.

 

 

 

ДАРГАЛАГЧ, ШҮҮГЧ Э.АМИН-ЭРДЭНЭ

 

 
 
 
Шийдвэр бүрэн эхээрээ
Шийдвэрийг бүрэн эхээр нь үзэхийн тулд манай сайтад нэвтэрсэн байх шаардлагaтай.
Ta энд дарж нэвтэрнэ үү.

Энэ хэргийн бусад шийдвэрүүд

Өөр шийдвэр байхгүй байна.