АНУ-ын Конгрессын дэргэдэх Олон улсын манлайллын төвийн Эрх-зүйт ёс хөтөлбөрийн “Нээлттэй дэлхий” хөтөлбөр энэ онд “Шүүхийн хүртээмж, нээлттэй байдал болон цахимжилт” сэдвийн дор 2024 оны 6 дугаар сарын 12-22-ны өдрүүдэд зохион байгуулагдахаар зарлаж, шүүхээс 5 төлөөлөл хамруулахаар шийдвэрлэлээ.
Монгол Улсын шүүхийн 76 шүүгч, 114 шүүхийн захиргааны ажилтан энэхүү хөтөлбөрт хамрагдах хүсэлтээ гаргаснаас Нийслэл дэх Захиргааны хэргийн давж заалдах шатны шүүхийн шүүгч Ганбатын Мөнхтулга, Төв аймаг дахь Сум дундын Иргэний хэргийн анхан шатны шүүхийн шүүгч Дашийн Мөнхбүрэн, Баян-Өлгий аймгийн Эрүү, Иргэний хэргийн давж заалдах шатны шүүхийн ерөнхий шүүгч Солтанмуратын Өмирбек, Дархан Уул аймаг дахь анхан шатны шүүхийн Тамгын газрын дарга Эрдэнэбатын Амарсанаа, Шүүхийн сургалт, судалгаа, Мэдээллийн хүрээлэнгийн Захиргааны эрх зүйн секторын эрхлэгч Сайнтөрийн Цэрэндолгор нар шалгарчээ.
Ийнхүү уг хөтөлбөрт 3 шүүгч, 2 захиргааны ажилтан хамрагдахаар болов.
Гадаад харилцаа, мэдээлэл хамтын ажиллагааны газар